El Sibarita
A mi n'ámas me gusta
que dali gustu al cuerpo!
Si yo juera bien rico,
jacia n´ámas eso:
jechalmi güenas siestas
embajo de los fresnos,
jartalmi de gaspachos
con güevos y poelos,
cascalmi güenos fritis
con bolas y pimientos,
mercal un güen caballo,
tenel un bornalero
que tó me lo jiciera
pa estalmi yo bien quieto,
andal bien jateao,
jechal cá instanti medio,
fumal de doci perras
y andalmi de paseo
lo mesmo que los curas,
lo mesmo que los médicos...
Si yo juera bien rico,
jacia n'ámas eso,
que a mi n'ámas me gusta
que dali gustu al cuerpo!
Gabriel y Galán
...
Nenhum comentário:
Postar um comentário